MANILA, Philippines — Sobra umanong nabastusan ang pamahalaan ng Quezon City sa komedyanteng si Ai Ai delas Alas at sa cinematographer na si Darryl Yap sa ginawa ng dalawa sa official seal ng lungsod.
Sa dalawang minuto at 21 segundo na video, napanood na pinalitan ang official seal ng lungsod ng BBM at Duterte, na kapwa sinuportahan ng dalawa sa nakalipas na eleksyon na ipinost ni Yap sa kanyang Vincentiments Facebook Page ay itinampok si Delas Alas sa karakter na “Ligaya Delmonte” na maituturing na pagtukoy kay Mayor Joy Belmonte.
Nabatid na si District IV Councilor Ivy Lagman ang naghain ng resolusyon na agad namang inaprubahan ng konseho.
“The people of Quezon City will not let anyone disgrace the official seal of Quezon City for personal and selfish interests,” dagdag ni Lagman.
Nabatid na ginagamit na ng Quezon City ang official seal mula nang aprubahan ng Office of the President at adopted ng City Council noong February 3, 1997 sa pamamagitan ng Resolution No. 10320, S-1975.