MANILA, Philippines — Naaresto kahapon ng mga otoridad ang rapist killer ng 12-anyos na dalagita matapos ang mahigit sa dalawang linggong pagtatago sa Rosario, Cavite.
Ang suspek ay kinilalang si Erly Ebuel Arguelles, nasa hustong gulang, residente ng Brgy. Muzon, Rosario Cavite na nagpakalbo pa upang hindi makilala ng pulisya.
Magugunita na noong Setyembre 1, 2020 nang madiskubre ang bangkay ng biktimang si Louiza Hillera na nakatira sa Dreamland, Brgy. Muzon 2 ng nasabing bayan na nakasako habang nakabaon nang bahagya sa lupa at hinihinalang ginahasa bago pinatay.
Ayon sa ina ng biktima na si Chona Alano, bandang 6:30 ng gabi noong Agosto 30 nang huli nilang makitang buhay si Louiza na naliligo pa sa poso malapit sa kanilang bahay kasama ang mga kaibigan.