Tatlo na galing birthday party, niratrat
MANILA, Philippines — Napalitan ng trahedya ang masayang birthday party na pinuntahan ng tatlong katao matapos na masawi ang isang babae habang kritikal ang isa pa nang sila ay harangin at pagbabarilin habang papauwi na kamakalawa ng gabi sa Malabon City.
Namatay habang ginagamot sa Tondo Medical Center dahil sa tama ng bala at ulo ang biktimang si Yrria Jean Quilo, 28, ng B-5, L-5, Sapadaca, Sitio 6, Brgy. Catmon. Habang nasa kritikal na kalagayan ang dalawang kasama na sina Marivic Damaso, 30; at Leo Buenaventura, 30.
Sa ulat, dakong alas-10:10 ng gabi sa may Sitio 6 Brgy. Catmon ay naglalakad pauwi ang tatlo nang harangin sila ng limang lalaki at walang kaabog-abog na pinagbabaril ang mga biktima.
Tatlo sa limang namaril sa mga biktima ay kinilalang sina alyas “PJ Montejo”; alyas “Warren” at alyas “Kim”.
- Latest
