Pinayuhang maghanda na… Trillanes makuKulong ulit-Palasyo
MANILA, Philippines — Posibleng muling makulong si outgoing Sen. Antonio Trillanes IV matapos bumaliktad si Peter Joemel “Bikoy” Advincula at ituro siyang nasa likod ng black propaganda laban sa administrasyon.
Ito ang sinabi ni Presidential Spokesman Salvador Panelo kasunod ng pagsasabi ng “good luck” at pinayuhan si Trillanes na maghanda na sapagkat posible siyang makulong muli paglabas nito ng Senado sa darating Hunyo 30.
Inihayag ni Sec. Panelo na noon ay puring-puri ni Trillanes sa video ni Bikoy laban kina Pangulong Rodrigo Duterte, ilang miyembro ng pamilya Duterte at Senator-elect Bong Go pero nang ituro siya ng self-confessed black propagandist, bigla raw itong hugas-kamay at itinanggi ang alegayson.
“While many will wish Mr. Trillanes good riddance as he is about to leave the hallowed halls of the Senate at the end of June of this year, we will instead wish him luck as he faces another prospect of being placed behind bars again as the self-confessed black propagandist urns against his master, even as his victims look forward to seeing the Senate, or better yet the government, without the cantankerously obnoxious coup plotter,” wika ni Sec. Panelo.
- Latest
