NPC nagpasalamat kay Andanar
MANILA, Philippines – Dahil sa pagsusumikap upang maging katotohanan ang inaasam na Freedom of Information (FOI) at Presidential Task Force on Media Security para sa kapakanan ng mga mamamahayag ay labis na nagpapasalamat ang National Press Club (NPC) kay Presidential Communications Sec. Martin Andanar.
Ito ang sinabi ni NPC president Paul Gutierrez, napakahalaga para sa sector ng mamamahayag ang dalawang mahalagang aksyon ni Pangulong Rodrigo Duterte sa unang bahagi pa lamang ng kanyang termino ng lagdaan nito ang Executive Order no. 2 noong July 2016 at Administrative Order no. 1 noong October 2016.
“EO No. 2, for the first time, mandated the entire executive branch of the government to give freedom to all Filipinos, not only to the members of the press, to get information previously being withheld from them, except those involving national security. AO No. 1 on the other hand, created the Presidential Task Force on Media Security (PTFoMS) focused mainly in protecting all members of the Fourth Estate. Let us give credit where credit is due,” giit pa ng NPC president.
Wika pa ni Gutierrez, dahil sa pagsisikap at pagpupursige ni Sec. Andanar ay nakumbinsi nito si Pangulong Duterte at buong Gabinete upang aprubahan at suportahan ang EO no. 2 sa FOI at AO no. 1 para sa pagbuo ng TF on Media Security.
- Latest
