MANILA, Philippines - Nagsampa kahapon ng tanghali ng disbarment case sa Supreme Court ang Volunteers Against Crime and Corruption (VACC) laban kay Senador Leila De Lima.
Isinampa nina VACC founding chairman Dante Jimenez, Reynaldo Esmeralda, Ruel M. Lasala at Sandra Cam ang kaso sa SC laban sa Senador.
Naging basehan ng pagsasampa ng kasong disbarment kay De Lima dahil sa gross immorality, violation of the lawyers oath at paglabag sa Rule 1.01, canon 7 at Rule 7.03 ng Code of Professional Responsibility.
Kasabay nito, nanawagan rin ang VACC na mag-resign na sa kanyang tungkulin si De Lima sa paniniwalang sapat na ang ebidensiya nilang hawak laban sa Senadora.
Kasama sa ebidensiya ng VACC sa kanilang alegasyon ay ang sex video umano nito at mga testimonya ng mga opisyal at inmate sa New Bilibid Prison (NBP) na direktang nagsasangkot kay De Lima sa kalakalan ng illegal na droga sa New Bilibid Prison.
Magugunita na una nang sinampahan ng VACC si De Lima sa Supreme Court ng illegal drugs.