MANILA, Philippines – Tinutugis ng mga otoridad ang isang organisadong grupo na supplier ng iligal na droga sa mga party at mga clubs sa Metro Manila.
Ayon kay National Capital Regional Police Office (NCRPO) spokesman, Chief Supt. Billy Beltran na ang grupong nagre-retail at nagtutulak ng ecstacy lalo sa mga party tulad na nangyari sa limang katao na namatay sa “rave party” sa parking ground ng isang kilalang mall sa Pasay City.
Tumanggi naman na magbigay ng konklusyon si Beltran kung lokal na sindikato o sangkot sa mas malaking internasyunal na grupo ang kanilang hinahabol.
Kasalukuyan umano na dalawang pangunahing target ang tinutukoy ngayon ng kanilang binuong Special Investigation Task Group (SITG) na kinailangan na umanong iakyat sa lebel ng NCRPO ang imbestigasyon dahil sa may mga personalidad na sila ngayong hinahabol bukod pa kay Josh Habalo na nadakip ng National Bureau of Investigation (NBI).