MANILA, Philippines – Napatay ng mga otoridad ang dalawang pinaghihinalaang drug pusher nang kumasa umano ang mga ito sa arresting team ng pulisya kamakalawa ng gabi sa Brgy. Sapangbato,Angeles City, Pampanga.
Ang mga napatay na suspek ay kinilalang sina Louie Ocampo,isang notoryus na drug pusher at kasamahan nitong si Allan David.
Batay sa ulat, bago naganap ang shootout bandang alas-8:30 ng gabi ay nagtungo sa lugar ang mga elemento ng Station 5 sa pamumuno ni Sr. Inspecttor Ando Doroja upang isilbi ang warrat of arrest laban kay Ocampo na wanted sa kasong paglabag sa Republic Act 9165 o ang Anti Illegal Drugs Act sa pagtutulak ng droga at walang inirekomendang piyansa apara sa pansamantala nitong kalayaan.
Sa halip na sumuko ay pinaputukan ng mga ito ang arresting team na nagresulta sa shootout sa pagitan ng magkabilang panig na kung saan ay magkakasunod na bumulagta ang dalawang suspek.