MANILA, Philippines – Dead-on-the-spot ang isang 46-anyos na lalaki nang barilin habang naglalaro ng pool ang isang lalaking drug pusher kamakalawa ng gabi sa pagitan ng building 6 at 7 Helping Land ng Temporary Housing, Tondo, Maynila.
Ang nasawi ay kinilalang si Erwin Tumale, residente ng Building 6 Helping Land, Temporary Housing, Tondo.
Habang isang Pepito Roque Jr., ang itinuturong bumaril sa biktima na agad tumakas.
Batay sa ulat, dakong alas-8:45 ng gabi nang abutan ni Angelito Tumale ang kapatid na nakabulagta at duguan matapos makarinig ng magkasunod na putok ng baril.
Malaki ang hinala ng pulisya na ang motibo ng pagpatay sa biktima ay may kinalaman umano sa pagiging informer nito sa mga pulis tungkol sa bentahan ng droga sa kanilang lugar.