MANILA, Philippines - Natagpuan ng mga residente ang putol-putol na bahagi ng katawan ng dalawa katao na walang ulo sa isang plastic drum kamakalawa sa Brgy. St Peter 1, Dasmariñas City, Cavite.
Sa ulat ng pulisya, dakong alas-9:00 ng umaga nang sila ay makatanggap ng tawag mula sa mga residente tungkol sa dalawang lalaki na pugot ang ulo at putol-putol ang mga katawan na nakasilid sa malaking plastic na drum sa creekside sa kanilang lugar.
Walang nakakakilala na mga residente sa dalawang bangkay na posibleng doon lang itinapon.
Malaki ang hinala ng pulisya na ang dalawang bangkay ay galing sa isang punerarya na walang umangkin kaya’t pinagbili ito sa mga estudyante para pag-aralan.
Nabatid pa sa imbestigador na ang mga katawan ng biktima ay tinalupan at nakitaan ng tag mula sa isang ospital sa Maynila.