MANILA, Philippines – Nasawi ang isang 8-anyos na batang lalaki na si Clark Cabaluna habang 37 ang nasugatan na dinala sa ospital makaraang aksidenteng mag-karambola ang apat na sasakyan sa kahabaan ng national highway ng Purok Rubia, Brgy. Buenavista, Pagadian City, Zamboanga del Norte kamakalawa.
Sa ulat bago nangyari ang sakuna bandang alas-11:10 ng umaga sa kahabaan ng national highway ay nawalan ng preno ang isang pampasaherong jeep (JVJ-474) na minamaneho ni Joel Maglinte, 24 at sinalpok nito ang tatlong behikulo na kinabibilangan ng isang Mitsubishi Fuso drop side na minamaneho ni Marvin Cabungog; Fuso dump truck (AAR-1971) na minamaneho naman ni Ben Brian Tagbo at Suzuki Nex na minamaneho ni Pilar Cabaluna at tumilapon ang batang angkas na si Clark na pagbagsak sa kalsada ay una ang ulo na agad na ikinasawi.