Suporta kay Tolentino, umaarangkada
MANILA, Philippines – Habang lumalapit ang panahon ng kampanya ay patuloy na umaarangkada ang suporta ng taumbayan at ibang sektor kay senatorial aspirant Atty. Francis Tolentino.
Sa pinakahuling ulat, maaaring makasama ngayon si Tolentino sa senatorial line-up ni Davao City Mayor Rodrigo Duterte na nagpahayag na ng intensyon ng pagtakbo sa pagka-pangulo sa 2016 elections.
Nabatid na agad pinangalanan ni Duterte sa posibleng senatorial ticket niya matapos ang anunsyo ng kandidatura.
Pinasalamatan naman ni Tolentino ang pag-endorso ni Duterte pati na rin ang papuri sa kanya na pinakadisenteng opisyal ng bansa.
Hinangaan rin ni Duterte ang simpleng pamumuhay ni Tolentino kahit na noong ito pa ang chairman ng Metropolitan Manila Development Authority.
Ang ilan pang sumusuporta kay Tolentino ay sina Cavite Governor Jonvic Remulla at mga alkalde ng Cavite, dating Pangulo at Manila Mayor Joseph Estrada, Parañaque City Mayor Edwin Olivarez at Caloocan City Mayor Oscar Malapitan.
Una nang sinabi ni Tolentino na kung makakatuntong sa Senado ay tututukan niya ang pagsusulong ng mga batas sa kahandaan sa mga kalamidad, pagtatatag ng National Disaster Recovery Agency, National Urban Planning Commission.
- Latest
