Army vs NPA: 1 sundalo todas, 5 nasugatan
MANILA, Philippines – Isang Army trooper ang nasawi habang lima nitong kasamahan ang nasugatan nang makasagupa ang mga rebeldeng New People’s Army kamakalawa sa Upper Suyan, Malapatan, Sarangani.
Pansamantala munang hindi tinukoy ni Captain Alberto Caber, spokesman ng AFP-Eastern Mindanao Command ang pagkakakilanlan ng nasawing sundalo dahilan kailangan pang impormahan muna ang pamilya nito.
Ang limang nasugatan ay dinala na sa military hospital para malapatan ng lunas.
Batay sa ulat, nagresponde ang tropa ng Army’s 73rd Infantry Battalion sa lugar kamakalawa ng hapon matapos na makatanggap ng report hinggil sa armadong presensya ng mga rebelde na nangingikil sa mga residente.
Paparating pa lamang ang mga sundalo nang paulanan ng putok ng mga rebelde na ginawang kalasag ang ilang mga residenteng naninirahan sa lugar at dito ay napatay ang isang sundalo at pagkasugat ng limang iba pa.
- Latest
