2 tinangay ng malakas na agos

MANILA, Philippines - Iniulat ng National Disaster Risk Reduction and Management Council na dalawang katao ang iniulat na nawawala sa pana­nalasa ng bagyong Jenny sa bansa.

Ang mga nawawalang biktima ay kinilalang sina  Paharodin Tinggalong, 20;at Lacmodin Ting­galong, 16.

Nabatid na nangingisda ang mga biktima noong Biyernes sa isang ilog sa Brgy. Bulanit, Labangan, Zamboanga del Sur nang biglang rumagasa ang baha  galing sa bundok sanhi ng malalakas na pagbuhos ng ulang dulot ng bagyo at nawasak ang sinasakyang bangka bunsod upang tangayin ang mga ito ng malakas na agos na magpahanggang ngayon ay patuloy pang pinaghahanap.

Sa  tala ng NDRRMC, 378 pamilya na ang apek­tado ng pagbaha sa Neg­ros Occidental partikular na sa mga lugar ng Himalayan City, Kabankalan City at Isabela.

Ang bagyong Jenny  ay palabas na sa Philippine Area of Responsibi­lity (PAR) ngayong umaga.