Bahay-bahayan nauwi sa panghahalay

MANILA, Philippines - Nauwi sa panghahalay ang paglalaro ng isang 4-anyos na batang babae at 11-anyos na batang lalaki ng bahay-bahayan kamakalawa sa Besao, Mt. Province.

Bago ang panghahalay na naganap dakong alas-11:00 ng umaga ay niyaya ng 11-anyos na suspek na itinago sa pangalang Mark ang biktima na maglaro sila ng bahay-bahayan na kung saan ay tatayong tatay ang suspek at nanay ang biktima na itinago sa Giselle at dito naganap ang panghahalay.

Matapos ito ay umiiyak na nagsumbong ang biktima sa kaniyang ina at itinuro ang batang suspek na may kagagawan ng pagdurugo ng ari nito na agad na ipinahuli sa pulisya.

Nakatakdang dalhin ang suspek sa  tanggapan ng Department of Social Welfare and Development (DSWD).