MANILA, Philippines - Sa mismong ibabaw ng nitso natagpuan ang bangkay ng caretaker ng sementeryo sa Brgy. Boboy Agno, Pangasinan.
Halos matagpas ang ulo ng biktima na kinilalang si Jessie Neypes, 39, binata at caretaker sa Agno Memorial cemetery.
Agad nadakip ang suspek na si Rodney Rex Rico, 38, at residente rin sa lugar.
Batay sa ulat, bago ang krimen ay nag-iinuman ang biktima at suspek sa ibabaw ng nitso at nang kapwa malasing ay nagkaroon ang mga ito ng mainitang pagtatalo.
Sa kainitan ng pag-aaway ay bigla na lamang pinagtataga ng suspek ang biktima nang sunud-sunod sa ulo na agad nitong ikinasawi.
Kasalukuyan namang inaalam ng mga otoridad kung may katotohanan ang pahayag ng mga kamag-anak ng suspek na may diperensya ito sa pag-iisip.