MANILA, Philippines – Tiyak na muling madadalas ang pagliban sa Kamara ni Sarangani Rep. Manny Pacquiao dahil sa nalalapit nitong laban kay Floyd Mayweather Jr., sa Mayo 2.
Kaya naman umapela sa publiko si Eastern Samar Rep. Ben Evardone na unawain ang sitwasyon ni Pacquiao dahil sa sasailalim ito sa matinding training sa laban nito kay Mayweather na matagal ng inaabangan ng buong mundo.
Ang pagliban umano ni Pacquiao sa Kamara ay hindi dapat na ituring na negatibo sa kanya dahil dinadala nito ang pangalan at karangalan ng buong bansa.
Matatandaan na noong nakaraang linggo ay sumipot sa Kamara at dumalo ng sesyon sa plenaryo si Pacquiao matapos ang laban nito kay Chris Algieri sa Macau noong Nobyembre 22,2014.