MANILA, Philippines - Napatay ang apat na miyembro ng mga rebeldeng New People’s Army (NPA) at isang sundalo nang magsagupa kamakalawa ng gabi ang tropa ng militar ang komunistang grupo sa Brgy. Mabini, Basey, Samar.
Batay sa ulat, dakong alas-6:00 ng gabi nang makasagupa ng tropa ng Army’s 82nd Reconnaissance Company sa nasabing lugar ang komunistang grupo.
Ayon kay Major Amado Gutierrez, Spokesperson ng Army’s 8th Infantry Division na base sa pahayag ng mga residente sa lugar ay nalagasan ng apat ang hanay ng mga rebelde na kanilang nakasagupa na ang bangkay ay binitbit at inilibing sa kagubatan.
Nabatid na nagsasagawa ng combat operation ang tropa ng Army’s 801st Infantry Brigade sa pamumuno ni Col. Leoncio Cirunay Jr., nang makatanggap ng impormasyon sa isang pulutong ng mga rebelde na nangingikil at nangha-harass ng mga residente sa lugar.