Pagsibak kay Mayor Erap sa puwesto dedesisyunan ngayon ng SC

MANILA, Philippines - Ngayong araw ay inaasahang magpapalabas na ng desisyon ang Korte Suprema sa disqualification case laban kay dating Pangulo na kasalukuyang  Manila Mayor Joseph “Erap”  Estrada.

Magugunita na nakansela  noong  Disyembre 9, 2014 ang nakatakdang deliberasyon  ng Supreme Court en banc kaugnay sa nasabing kaso, batay na rin sa mga pahayag ng SC nitong nakaraang buwan dahil sa bagyong ‘Ruby’ at pagliban ng limang justices.

Itinakda ng SC ang deliberations sa kaso kinabukasan (Disyembre 10), subalit muli itong iniliban kaya’t Enero 2015 na ito tatalakayin dahil holiday recess na ang SC ng isang buwan.                

Naiulat din na isinama ang disqualification case sa agenda ng SC sa pag-resume nito ng sessions ngayong araw.