MANILA, Philippines – Dalawang taxi driver ang inaresto ng pulisya dahil sa ginawang panghoholdap sa kanilang pasahero kahapon ng madaling araw sa Makati City.
Kinilala ang mga suspek na sina Ponciano Libunao, 32 at Ron Jovy Turla, 21, kapwa residente ng Caloocan City.
Ang dalawang suspek ay inaresto batay sa reklamo ng biktima na kinilalang si Elaine Quiambao, 32, ng Imus City, Cavite.
Batay sa ulat, ala-1:30 ng madaling araw nang maaresto ang dalawang suspek habang sakay sila ng taxi sa north bound lane sa kanto ng ng Osmeña Highway at Malugay St., Barangay San Antonio, Makati City, matapos na magreklamo ang biktima.
Nabatid na ang dalawang suspek ay matagal nang pinaghahanap ng pulisya dahil sa mga natatanggap na reklamo sa panghoholdap ng mga ito sa kanilang pasahero.