MANILA, Philippines - Umakyat na sa 62 katao ang nasasawi sa bagyong Seniang sa mga naapektuhang lugar sa Visayas at Mindanao.
Sa Catbalogan City, Western Samar ay nasa 22 katao na ang narekober na bangkay.
Habang sa lalawigan ng Leyte ay nasa 16 ang nasawi at apat ang nawawala.
Nasa 12 katao ang namatay sa Region VII kabilang dito ay 10 katao na nalunod sa flashflood sa bayan ng Rond, Cebu; isang bata ang nalunod sa Alcantara at isang magsasaka na tinangay ng malakas na alon sa bayan naman ng San Francisco.
Tatlo naman ang nasawi matapos makuryente at malunod sa Bohol, dalawa ang nalunod sa Compostela Valley, dalawa ang nalunod sa Bukidnon at isa naman sa trauma matapos na matumba ang punong kahoy, isa ang namatay sa pagkalunod sa Tagaloan, Misamis Oriental, isa ang nasawi sa landslide sa Butuan City at isa naman ang nalunod sa Agusan del Norte. Isa pang babae ang nawawala naman sa Antiquera, Bohol.- Joy Cantos-