MANILA, Philippines – Namatay noon din ang isang construction worker habang sugatan naman ang isang kasamahan makaraang kapwa makuryente sa kawad ng isang poste ng kuryente kahapon ng umaga sa Quezon City.
Ang nasawi ay kinilalang si Butch Piano, 33, ng Maligaya Park, Novaliches. Habang nakaratay sa ospital ang kasama nitong si Romeo Nino, 22 na nagtamo ng 2nd degree burns sa magkabilang hita.
Sa ulat, dakong alas-9:10 ng umaga ay nasa rooftop ng isang ginagawang gusali na matatagpuan sa kahabaan ng Edsa kanto ng Oliveros Drive, Brgy. Apolonio Sansin si Piano na nagtatanggal ng wooden cast frame ng isa sa mga poste nang aksidenteng madikit sa high tension wire ng Meralco at makuryente ito.
Agad pumanhik si Niño upang tulungan si Piano at nang tangkaing tanggalin ang huli sa kawad ay nakuryente din siya.