MANILA, Philippines – Dead on the spot ang isang lalaki at isang babae nang walang kadahilanan ng sila ay pagbabarilin ng isang kapitbahay habang sila ay nakatayo sa harap ng kanilang mga bahay kahapon ng madaling-araw sa Caloocan City.
Ang mga nasawi ay kinilalang sina Michael Lizada, alyas Eking, 33, ng Phase 10-A, Package 4, Block 54, Lot 6, Bagong Silang at Jackylyn Pineda, nasa hustong gulang.
Ang suspek na tumakas ay kinilalang si Rafael Rebulla, ng Phase 10-A Package 3, Block 64, Lot 6, Bagong Silang ng naturang lungsod.
Batay sa ulat, dakong alas-3:15 ng madaling araw ay nagpapahangin sa tapat ng kanyang bahay si Lizada nang biglang dumating ang suspek na armado ng kalibre .45 baril at walang pakundangan pinagbabaril si Lizada na kung saan ay tinamaan din si Pineda ng ligaw na bala.
Patuloy ang imbestigasyon ng pulisya kung ano ang motibo ng pagbaril at pagpatay ng suspek.