MANILA, Philippines - Nasugatan ang siyam katao kabilang ang pitong estudyante nang magbanggaan ang tatlong sasakyan kamakalawa sa bayan ng San Enrique, Negros Occidental.
Sa ulat ng Police Regional Office (PRBO) 6, bandang alas-7:00 ng umaga nang tangkaing mag-ovetake ng isang Mitsubishi Montero na minamaneho ni Baltazar Jualayba sa isang Isuzu Sportivo na minamaneho ni Romy Rubio sa Crossing Gemoy, Brgy. Tabao Rizal ng bayang ito at nagbanggan na kung saan ay nasalpok pa ang isang pampasaherong tricycle na minamaneho naman ni Alfredo Balena na may sakay na mga estudyante ng Enrique National High School.
Nasugatan ang mga estudyante na ang tatlo dito ay malubhang ginagamot sa Valladolid District Hospital.
Nasugatan din ang dalawang driver na sina Balena at Jualayba.
Halos nayupi ang tricycle ni Balena at bahagyang pinsala lamang ang tinamo ng dalawa pang behikulo.- Joy Cantos-