MANILA, Philippines – Kusang umalis ang asawa ni Camarines Norte Governor Edgardo Tallado at hindi ito nawawala at hindi din dinukot noong Oktubre 17 ng hapon na huling nakita kasama ang kaibigang si Darlene Francisco na sumakay sa isang kotse papuntang Barangay Tres, Vinzons, Camarines Norte.
Sa pahayag ni Josie Tallado sa isang telebisyon kasama ang abogadang si Lorna Kapunan, sinabi nitong hindi siya dinukot kung hindi tumakas siya sa kanyang asawa sa takot na may mangyaring masama sa kanyang buhay.
Nag-ugat anya ang kanyang pagkatakot nang magalit ang asawa niya sa kanya matapos makita ang umano’y “sex video” nito at ng kanyang kalaguyo, saka inakusahan siyang in-upload niya ang footage sa internet.
Ayon naman kay Chief Supt. Victor Deona, Regional director ng Regional Office 5 sa paglutang ni Ginang Tallado ay lumilitaw na may kinalaman sa problemang pamilya.