13th month pay at Xmas bonus ililibre sa tax

MANILA, Philippines - Libre sa buwis ang mas mataas na ceiling ng 13th month pay at Christmas bonus.

Ito ang inihayag ni Marikina Rep. Miro Quimbo, chairman ng House Ways and Means Committee matapos  aprubahan nila ang P70,000 ceiling ng bonus na libre sa buwis mula sa kasalukuyang P30,000.

Aabutin ng P1.5 bil­yon piso ang  mawawalang kita sa gobyerno, subalit mababawi naman ito ng Value Added Tax(VAT) na kikitaan ng pamahalaan dahil mas mara­ming bibilhin ang publiko.

Tiwala naman si Quim­bo na maisasalang na sa plenaryo ang nasabing panukala sa susunod na tatlong linggo para sa second reading at tuluyang maipasa hanggang Disyembre upang mai­patupad na sa susunod na linggo.

Show comments