Mga bomba ng NPA rebels nasamsam

MANILA, Philippines - Nagsagawa ng operasyon ang tropa ng pamahalaan at nasamsam nila ang mga bomba  na gamit ng mga rebeldeng New People’s Army (NPA) sa kanilang ‘landmine attack’ at bulto ng mga bala  kamakalawa ng gabi sa Brgy. Elizalde, Maco, Compostela Valley.

Batay sa ulat, bandang alas-11:00 ng gabi nang makumpiska ang mga bomba at paraphernalia sa paggawa ng eksplosibo sa nasabing lugar.

Nasamsam sa operasyon ang sari-saring mga paraphernalia sa paggawa ng bomba, ilang kilo ng IED, bulto ng mga bala para sa cal. 45, M14, 50 caliber, medical supplies, mga subersibong dokumento at iba pa.

Nabatid na nakatanggap ng impormasyon ang Criminal Investigation ang Detection Group (CIDG) Region 11 hinggil sa nakaimbak sa lugar na mga bala at bomba ng NPA rebels bago ito sinalakay.