MANILA, Philippines - Isang estudyante ng Ateneo de Naga University ang inaresto matapos itong mag-rally at bastusin si Pangulong Benigno Simeon Aquino habang nagtatalumpati sa ika-116 anibersaryo ng Independence Day sa Naga City, Camarines Sur kahapon.
Kinilala ang inaresÂtong suspek na si Pio “Ems†Emmanuel, nasa hustong gulang, binata at 4th year BS Psychology student sa Ateneo de Naga at residente ng University Villa Grande Homes Subdivision, Concepcion Grande sa lungsod na ito.
Batay sa ulat, bandang alas-8:45 ng umaga sa Plaza Quinse Martirez ay pinangunahan ni Aquino ang memorial honor sa “15 Martyrs of Bicol†kaugnay ng selebrasyon ng Araw ng Kasarinlan nang tumayo sa harapan ng entablado si Emmanuel at naglabas ng placard sabay sigaw ng “Walang Pagbabago sa administration Aquino, ibagsakâ€.
Habang iwinawagayway ang banner ng panlalait at pambabastos sa punong ehekutibo ay muli itong nagsisigaw ng “Oust PNOy, free Benito and Wilma Tiamzon and all political prisoner, scrap all forms of pork; DAP, Ibasura.
Dinakma na ito ng mga pulis na nangangalaga sa seguridad na nasa bisinidad ng venue at ng Presidential Security Group (PSG) ang nasabing militanteng estudyante na kakasuhan sa paglabag sa Article 153 Tumults and other disturbances of public order and assault.