MANILA, Philippines - Pinagsasaksak hanggang sa mapatay ang isang 21-anyos na lalaki matapos na pagselosan ito ng nobyo ng kanyang kababata sa Tondo, Maynila, kamakalawa ng gabi.
Ang biktimang si Raymart Manansala, binata, residente ng no. 429 Camia st., Tondo, Maynila ay isinugod pa sa Tondo General Hospital ngunit hindi na rin nagtagal ang buhay nito dahil sa tinamong tama ng saksak sa kanyang dibdib.
Habang ang suspects na sina Eduarto Antolin, 17, at nakatatandang kaÂpatid nito na si Christian Antolin, kapwa residente ng no. 2461 A. Bonifacio St., Tondo, Maynila ay patuloy na pinaghahanap ng pulisya.
Sa ulat ni SPO1 Mario Asilo ng Manila Police District-Homicide Section, dakong alas 11:00 ng gabi nang maganap ang insidente sa panulukan ng Bonifacio at Jacinto sts., Tondo, kung saan kainuman pa umano ng security guard na si Januar Pagulayan, 25 ang biktima. Ilang saglit pa umano ay nagpunta sina Pagulayan at Manansala sa isang karinderya sakay ng motorsiklo nang bigÂlang dumating din ang mga suspects.
Agad umanong nilaÂpitan ng batang Antolin ang biktima at inundaÂyan ng saksak sa dibdib at mabilis na tumakas.
Lumalabas sa imÂbesÂÂÂtigasyon na matagal na umanong nagseselos ang suspect sa biktima na laging nakikitang nakikipagkuwentuhan dito ang nobya na kababata naman ng biktima.