MANILA, Philippines - Nakatarak pa ang patalim sa ulo ng isang dalaga nang ito ay isugod sa ospital kamakalawa ng gabi sa Malabon City.
Ang biktima na inoobserbahan sa Jose Reyes Memorial Medical Center ay kinilalang si Mylene Dela Cruz, ng Phase 3 Pla-pla Street, Brgy. Longos, ng lungsod.
Ang suspek na tumakas ay kinilala sa alyas na Danica.
Batay sa ulat, naglalakad ang biktima kasama ang pinsan na si Alma Dela Cruz nang biglang sumulpot ang suspek na si Danica at kinompronta siya ukol sa kanilang hindi mabatid na alitan.
Ang pagtatalo ay humantong sa sabunutan at suntukan hanggang sa magbunot ng dalang patalim si Danica at tarakan si Dela Cruz sa ulo saka mabilis na tumakas.
Nakatarak pa ang patalim sa ulo ni Dela Cruz nang isugod sa pagamutan dahil sa takot ng mga rumesponde na bunutin ito ay hinayaan na lamang ang mga doktor na magtanggal.