MANILA, Philippines - Isang engineering student na anak ng mayamang negosyanteng Chinese ang kinidnap ng hindi pa nakilalang mga salarin kamakalawa ng gabi sa Pagadian City, Zamboanga del Sur.
Ang biktima ay kinilalang si Stephen Tan Yankee Mago, 19, estudyante ng Southern Mindanao College at naninirahan sa Sitio Mahayahay, Brgy. Manga.
Sa ulat, dakong alas-9:30 ng gabi ay naglalakad ang biktima sa kahabaan ng Cabrera St., Brgy. Gatas, at pagdating sa tanggapan ng Philippine Health Insu-Â rance Corporation ay bigla na lamang sumulpot ang mga kidnaper.
Puwersahang kinaladkad ang biktima at isinakay sa kanilang getaway vehicle na isang Ford pickup truck (KJS -723) na tumahak patungo sa hindi pa malamang destinasyon.
Patuloy ang imbestigasyon ng mga otoridad upang matukoy ang grupong nasa likod nang pagdukot sa biktima.