MANILA, Philippines - Nasugatan ang walong sundalo matapos na ang sinasakyan nilang military truck ay suÂmalpok sa kasalubong na dump truck kamakalawa sa Brgy. Bugo, Cagayan de Oro City.
Ang mga biktima na kinilala sa mga apelyido lamang ay sina Staff Sgt. Domanais, Technical Sgt. Bolivar, Cpl. Manicap, Pvt. Diaz, Private Mendrez, Sgt. Bernales, Cpl. Bolay, Pfc. Pagios at Corporal Esmalde na nilalapatan na ng lunas sa Camp Evangelista Hospital sa base ng Army’s 4th ID sa Cagayan de Oro City.
Sa ulat, bandang alas-9:20 ng gabi ay sakay ang mga biktima sa isa sa tatlong convoy ng military trucks at patungo sana sa Brgy. Bangkali sa Butuan City para magsilbing augmentation troops nang mangyari ang sakuna.
Nawalan umano ng kontrol sa manibela ang isa sa driver ng military truck matapos na magka-aberya ang sasakyan na pumihit sa kaliwa hanggang sa magbanggaan ito at ang kasalubong na dump truck sa naturang lugar.