Misis dedo sa selosong mister
MANILA, Philippines - Inatado nang saksak ng isang mister ang kanyang misis matapos ang mainitang pagtatalo dahil sa selos kahapon ng madaling-araw sa Taal, Batangas.
Namatay noon din ang biktima na nakilalang si Melanie Pareña, nasa hustong gulang at residente ng Brgy. Mahabang Lod-lod ng nasabing bayan.
Ang suspek ay ang sarili nitong mister na si Jimmie Pareña na mabilis na tumakas matapos mapatay ang misis.
Sa imbestigasyon, dakong alas-3:40 ng madaÂling-araw ay nagkaroon nang mainitang pagtatalo ang mag-asawa at narinig ng mga kapitbahay na nagseselos umano ang mister dahil sa may nanliligaw dito.
Hindi nakialam ang mga kapitbahay dahil sa away-asawa at matapos ang ilang minutong pagtatalo ay tumahimik na ang mag-asawa.
Kinaumagahan, isa sa kapitbahay ang sumilip sa bintana ng mag-asawa at dito na nadiskubre ang duguang bangkay ng ginang habang hindi naman matagpuan ang mister nito.
- Latest
