3 kumakain ng balut niratrat

MANILA, Philippines - Walang sabi-sabing pinagbabaril ang tatlong kalalakihan ng dalawang lalaki na sakay ng isang motorsiklo kamakalawa ng gabi sa General Santos City.

Ang mga biktima na namatay noon din dahil sa mga tama ng bala sa ulo ay  kinilalang sina Ronel Sarsalejo, Emmanuel Fajardo at  Edwin Laranio, pawang taga  Alabel, Sarangani.

Batay sa ulat, dakong alas-8:00 ng gabi habang kumakain ng balut sa isang kalye sa nasabing lungsod ang  mga biktima nang dumating ang mga suspek at agad na pinagbabaril ang mga ito.

Nang bumulagta ang mga biktima ay mabilis na tumakas ang mga suspek.