Kuya tinigok ng utol
MANILA, Philippines - Nagtalo ang isang magkapatid na nauwi sa pananaksak ng naÂkababata sa kanyang kuya habang naghahanda ng hapunan sa kanilang bahay kamakalawa sa Zamboanga City.
Kinilala ang nasaÂwing si Elvin Sarange, 23, may-asawa ng Sitio Uwak, Barangay Licomo, Zamboanga City. Habang tumakas naman ang kapatid nito na si Benjie, 20.
Sa ulat, dakong alas-5:30 ng hapon ay naghahanda ng hapunan ang biktima nang dumating ang suspek na sinita ng una at sinabihan na uuwi lang para kumain at hindi naman tumutulong ng gawain sa bahay.
Nagpanting ang tenga ng suspek at kinompronta ang kuya na nauwi sa mainitang pagtatalo hanggang sa nakakuha ng patalim at sinaksak ang kuya nito.
Dinala sa ospital ang biktima habang ang suspek ay mabilis na tumakas.
- Latest
