MANILA, Philippines - Todas ang dalawa katao nang sila ay pagbabarilin ng dalawang hindi pa nakikilalang suspek sa Novaliches, Quezon City kahapon ng tanghali.
Kinilala ang mga biktima na sina Eduardo Garate, 54, may-asawa, nakatira sa #30 Masayahin cor. Sarmiento St., Brgy. Sta Monica, Novaliches, QC at Jesus Tayamora, 65, may-asawa, ng 34 Sarmiento St., Brgy. Sta. Monica, Novaliches, QC.
Kapwa dead-on-the-spot ang dalawang biktima sa pinangyarihan ng insidente dahil sa tama ng bala sa ibat-ibang bahagi ng kanilang katawan.
Ayon kay PO3 Arddie Manlongat ng Quezon City Police District Station 4, ang insidente ay naganap sa harap ng bahay ni Garate, dakong alas-12:00 ng tanghali.
Sinabi ni Manlongat, kasalukuyan nagkukuwentuhan sa harap ng bahay ni Garate ang mga biktima nang biglang dumating ang dalawang hindi nakikilaÂlang suspek saka pinagbabaril ang dalawa.
Matapos ang pamamaril ay tumakas ang mga suspek sakay ng isang nag-aantay na tricycle sa kanila.