Sa loob ng sasakyan... Trader nag-suicide sa harap ng ex-gf
MANILA, Philippines - Laking gulat ng isang babae nang biglang nagbunot ng baril ang dating nobyo at nagbaril sa ulo habang sila ay nagkukuwentuhan tungkol sa kanilang nakaraan sa loob ng sasakyan kamakalawa ng gabi sa Caloocan City.
Ang biktima na namatay habang ginagamot sa Manila Central University (MCU) Hospital sanhi ng tama ng bala sa ulo mula sa cal. 45 ay nakilaÂlang si Roderick Manuel, 35, ng Monzerath St., ng naturang lungsod.
Sa ulat ng pulisÂya, bago naganap ang umaÂno’y pagpapatiwakal ng biktima dakong alas-9:45 ng gabi ay minamaneho ng biktima ang kanyang Ford Everest SUV sa kahabaan General Tinio St., Bagong Barrio at sakay ang dating nobyang si Edelweis Flores, 31, ng naturang lungsod.
Pinag-uusapan ng mga ito ang kanilang masasayang nakaraan noon sila ay magkasintahan at nalungkot sa nangyaring hiwalayan.
Habang patuloy ang kuwentuhan ay biglang kinuha ng biktima ang kalibre .45 at walang sabi-sabing ipinutok sa ulo na ikinabigla ni Edelweis.
Dahil dito ay dumiin ang tapak ng biktima sa silinyador na naging dahilan upang bumangga sa isang sasakyang nakaparada at pagkatapos ay bumangga naman sa pader.
Nakalabas ng sasakyan si Edelweis at nakahingi ng tulong sa dumaraan na si Kagawad Renato Reyes, 52 na may dalang tricycle at dinala ang biktima sa nasabing ospital, subalit namatay din ito.
- Latest
