MANILA, Philippines - Personal na nakidaÂlamÂhati, nagbigay nang huling respeto at pagpuÂpugay si Pangulong BeÂnigno Aquino III sa mga sundalong nasawi sa paÂkikipagbakbakan sa Moro National Liberation Front-Misuari faction sa Zamboanga City.
Dinalaw ni Pangulong Aquino ang mga burol nina 1st Lt. Kristopher Rama sa Norzagaray, Bulacan, 2nd Lt. Florencio Mikael MeneÂses sa Pulilan, Bulacan at 1st Lt. Francis Damian sa Camp Aguinaldo kahapon.
Ang tatlong mga batang opisyal ng ArÂmed Forces of the Philippines (AFP) ay pawang mga graduates ng Philippine Military Academy (PMA).
Si Lt. Rama ay miÂyembro ng PMA Class 2008 ng Baghawi Class habang si Lt. Meneses ay mula sa PMA Class 2011 na Laon Alab Class at si Lt. Damian ay mula sa PMA Class of 2007 na Maragtas Class.
Ang tatlo ay nasawi sa pakikipaglaban sa mga miyembro ng MNLF-MiÂsuari faction sa Sta. Barbara at Sta. Catalina sa Zamboanga City.
Kinausap ng Pangulo ng ilang minuto ang mga kaanak ng mga nasawing sundalo sa kanyang pagdalaw sa burol ng mga ito.
Unang tinungo ng PaÂngulo ang burol ni Lt. Rama sa Norzagaray, Bulacan sumunod ang burol ni Lt. Meneses sa Pulilan at ang burol ni Lt. Damian sa Camp Aguinaldo.