MANILA, Philippines -Sumuko kamakalaÂwa kay Cavite Governor Jonvic Remulla ang itinuturong utak umano sa pagdukot at pagpatay sa advertising executive na si Kristelle “Kae†Davantes sa Task Force Kae.
Dakong alas-5:00 kamakalawa ng hapon nang sumuko si Jomar Pepito upang linisin ang kanyang pangalan at tinanggi na hindi umano totoong utak siya sa krimen at driver lamang umano siya ng iba pang suspek.
Sa salaysay, niyaya lamang umano siyang mag-inuman ng mga kasamahan at pagsapit sa Moonwalk Village ay bigÂla na lamang nagbabaan ang apat niyang kasama at sa pag-aakala niyang may rambol ay inilayo niya ang kanyang minamaÂnehong kulay maroon na Honda Civic (NYO-517) at inutusan umano siya ni Samuel Decimo na sundan ang isang kotse kung saan nakasakay na ang apat pa niyang kasamahan tangay si Davantes.
Hindi naman kumbinsido si TF Kae head, Chief Supt. Christopher Laxa dahil sa paiba-ibang pahaÂyag ni Pepito at hindi nagtutugma sa pahayag ng unang tatlong naaresto na sina Decimo, Llody EnÂriÂquez at Jojo Diel.