MANILA, Philippines - Tinira ng mga hindi pa kilalang suspek na pinaghihinalaang miÂyembro ng “basag-kotse gang†ang sasakyan ni Buhay Partylist Rep. Irwin Tieng at dito ay natangay ang mahahalagang gamit sa loob naganap kamakalawa sa Pasay City.
Hindi nadakip ang suspek kung kaya’t iniulat na lamang ito ng driver ni Congressman Tieng na si Erwin Inot, 43-anyos, ng Bagumbong, Caloocan City sa Pasay City Police ang naturang pagnanakaw.
Sa salaysay ni Inot, dakong alas-12:00 ng tanghali nang iparada niya ang Toyota Land Cruiser na may plakang “8†sa parking area ng isang sikat na fastfood restaurant sa kanto ng Macapagal at Gil Puyat Avenue at sandaling iniwan upang mananghalian.
Matapos ang kalahating minuto nang ito ay kanyang balikan ay nadiskubre niya na binasag ang salamin ng kotse at nawawala na ang baril, Apple laptop computer, at Apple Ipad gadget na pag-aari ng mambabatas.
Napag-alaman na ilang ulit ng nagkaroon ng insidente ng nakawan sa mga nakaparadang sasakyan sa Macapagal Avenue na ang ilan ay nahagip pa ng close circuit television (CCTV) camera, subalit hindi pa rin nadarakip ang mga suspek.