Mister utas sa resbak

MANILA, Philippine s- Utas ang isang mister matapos siyang resbakan at pagbabarilin ng isang tricycle driver sa Brgy. Hugo Perez, Trece Martirez City, Cavite, kamakalawa ng gabi.

Kinilala ng pulisya ang biktima na si John Francis Abuyo, 27, may asawa resi­dente ng Purok 6, Brgy Hugo Perez ng nasabing lunsod.

Ang suspek na tuma­kas matapos ang krimen ay nakilalang si Alfredo Pega alias ‘Butsoy; 31, binata, tricycle driver, resi­dente rin ng nasabing lugar.

Batay sa imbestigas­yon ni PO2 Alvin Marquez, may hawak ng kaso ganap na alas-10:00 ng gabi ng maganap ang insidente sa nasabing barangay.

Una dito ay nagkaroon umano ng pagtatalo sa pagitan ng biktima at pinsan ng suspek na nagnga­ngalang Chito Angcanan.

Naagrabiyado umano si Chito kaya nagsumbong ito sa kanyang pinsan at doon niresbakan ang biktima.

Nagsasagawa ngayon ng follow-up operation ang mga tauhan ng PNP sa Trece Martirez City upang madakip at mapanagot sa krimen ang suspek.