MANILA, Philippines - Malapit na ang pagtatapos sa paghahanap ng 4 lalaki na nalibing nang buhay mula sa gumuhong bundok ng basura matapos mahukay ang dalawa pa kahapon ng umaga sa isang landfill sa Rodriguez, Rizal.
Batay sa ulat, dakong alas-3:45 ng madaling-araw nang mahukay ang ikalawang bangkay ni Eddie Malano habang ang ikatlong bangkay naman ay pagmamay-ari umano ni Rovidico Olod na nahukay dakong alas-9:15 ng umaga.
Magugunita na noong Miyerkules nang unang marekober ang bangkay ni Gary Balahibo, na natagpuan sa loob ng backhoe na nabaon din sa trash slide.
Patuloy pa rin ang pagÂhahanap ng mga otoridad sa bangkay ng ikaapat na biktima na si Pablito Esto.
Ang apat na biktima ay iniulat na nawawala matapos na maganap ang trashslide noong nakalipas na BiyerÂnes.