Coed pisak sa cement mixer
MANILA, Philippines -Isang estudyante ng Siena College ang nasawi maÂtapos itong mapisak nang madaganan ng cement mixer na tumagilid sa isang pampasaherong jeep sa kahabaan ng Araneta Avenue, Quezon City na ikiÂnasugat din ng pitong katao.
Ang nasawi ay kinilaÂlang si Marie Cherry Inzon, 20, residente sa Brgy. CenÂtral, Quezon City.
Ang mga nasugatan ay kinilalang sina Emilio Bruan,69; misis nitong ConÂsuelo, 75; Romualdo Sillano, 41, traffic enforcer; at mga pasahero ng jeepney na sina Ana Marin Saldana, 23; Ernesto Lucas; Elizabeth Nacano; Raule Nunuez, at driver na si Romeo Caneto na dinala sa magkakahiwalay na ospital.
Batay sa ulat, ganap na alas-10:00 ng umaga ay tinatahak ng cement mixer truck (ZPL-947), ng 10K Concrete Mix Specialist Inc. na minamaneho ng isang Reynald Guarte ang lugar nang bigla itong mag-preno pagsapit sa stop light.
Sinasabing hinabol ni Guarte ang traffic lights, nag-ilaw ito ng pula sanhi para biglang magpreno ito kaya’t tumagilid ito sa nakahintong pampasaherong jeep (TVV-852) at sa bigat ng mixer ay nayupi at nawasak ang bubungan ng jeepney dahilan para tamaan ang biktimang si Inzon na noon ay pasakay sana sa jeep.
Habang ang iba pang sugatan tulad ng mag-asawang Bruan ay naipit sa pagitan ng mixer at jeepney, at ang ibang biktima ay sakay sa loob ng jeep.
- Latest
