MANILA, Philippines - Tinapos ng isang 20-anyos na binata ang buhay nang barilin ang sarili sa pamamagitan ng improvised shotgun naganap sa Brgy. Burol 1, Dasmariñas City, Cavite kamakalawa ng hapon.
Ang biktima na namatay noon din ay nakilalang si Mark Gil Samson, ng Blk. 1, Lot 163, Phase 2 ng nasabing barangay.
Sa salaysay ng tiyahin ng biktima na si Corazon Perez, ganap na alas-4:20 ng hapon ay nagising siya sa pagkakatulog nang marinig ang isang putok ng baril na nanggaling sa kuwarto ng pamangkin.
Agad niyang pinuntahan ang kuwarto ng biktima at dito ay nakita niya na duguang nakahandusay ang pamangkin. Narekober ng pulisya ang 1 improvised shot gun na may lamang 12 bala sa tabi ng biktima.