MANILA, Philippines - Napatay sa ambush ang tatlong katao nang sila ay pagbabarilin habang sakay ng kanilang sasakyan sa kahabaan ng Quirino Highway, Brgy. Sta. Monica, Tagkawayan, Quezon kahapon ng umaga.
Ang mga nasawi ay kinilalang sina Jamela Custodio ng Muntinlupa City; Melvin Marquez ng Candelaria, Quezon at Jasmine Pablo ng Sta. Rosa, Laguna.
Batay sa ulat, bandang alas-8:00 ng umaga ay sakay ng kanilang sasakyan ang mga biktima nang bigla na lamang silang paulanan ng bala ng mga kalalakihan pagsapit sa nasabing lugar.
Patuloy ang imbestigasyon ng otoridad sa motibo ng pamamaslang sa mga biktima.