FOI Bill sa 2013 na pagdebatihan
MANILA, Philippines - Sa susunod na taon o sa 2013 na pagdedebatihan sa Kamara ang kontrobersiyal na Freedom of Information (FOI) bill.
Ayon kay House Majority leader Neptali Gonzales, kapos na ang panahon at hindi pa niya natatanggap ang committee report na dapat ay may lagda ni Eastern Samar Rep. Ben Evardone na chairman ng House Committee on Public Information.
Dahil noong Miyerkules lamang umano dumating si Evardone buhat sa Estados Unidos kaya ngayong Lunes na umano ito maisumite sa kanya.
Paliwanag ni Gonzales tiyak na hindi matatalakay ngayon ang FOI dahil tatapusin nila ang RH bill na kakain umano ng maraming oras.
Bagamat gusto na umanong maideliver ni Evardone bukas (Martes) ang sponsorship speech ay dapat pa rin silang tumutok sa RH bill.
Hindi rin umano kampante si Gonzales sa dami ng nakalinyang gustong magtanong kayat sa susunod na taon na lamang pagdedebatihan ang FOI bill.
- Latest
