Kings’ roster: Swabe
Apat na tulog na lang, masisilayan na ang arangkada ng koponang Barangay Ginebra na nakakuha ng karagdagang lakas sa pagdating ni free agent recruit Troy Rosario.
At kung handa na rin bumalik si Jamie Malonzo mula injury, mabigat na karagdagang offensive force at defensive might ang dala ng Gin Kings sa PBA Season 49 Commissioner’s Cup.
NLEX ang haharap sa Ginebra conference debut sa Miyerkules sa Ninoy Aquino Stadium.
Dahil manipis ang rotation, kinapos ang Gin Kings at tumapos lang na segunda sa likod ng TNT Tropang Giga sa nakaraang Governors’ Cup finals.
Pero mukhang lahat ng kanilang kakulangan ay mapupunuan sa pagdating nina Rosario at Malonzo.
Muling magkakaroon ng katulong si Japeth Aguilar sa shaded lane sa katauhan ni Rosario. Samantalang pagpapatibay ng wing rotation naman ang hatid ni Malonzo.
Sa presensya nina Scottie Thompson, Stephen Holt, Maverick Ahanmisi at John Pinto, stable ang Ginebra backcourt. Samantalang wala dudang malaking alas nila si Justin Brownlee bilang import.
Malamang na swabe nilang mararating ang Final Four.
Depende kung sino ang ka-matchup, sa Final Four magsisimula ang pagsubok sa retooled lineup ni coach Tim Cone.
- Latest
