Orlando Magic umeskapo sa 76ers
PHILADELPHIA — Humataw si Franz Wagner ng 35 points at may 17 markers si Jalen Suggs sa 106-102 pagdaig ng Orlando Magic sa 76ers.
Ito ang pang-pitong panalo ng Orlando (16-8) sa huling walong laro.
Hindi naman naglaro para sa Philadelphia (5-15) sina Joel Embiid, Paul George, Andre Drummond at Kyle Lowry.
Pinamunuan ni rookie Jared McCain ang 76ers sa kanyang 24 points at may 16 markers si Tyrese Maxey.
Sa California, umiskor si Julius Randle ng 20 points kasunod ang 16 markers ni Anthony Edwards sa 108-80 panalo ng Minnesota Timberwolves (11-10) sa Los Angeles Clippers (14-10).
Sa New York, bumira si Cam Johnson ng 26 points sa 99-90 paggupo ng Brooklyn Nets (10-13) sa Indiana Pacers (9-14).
Sa Milwaukee, nagtala si Jalen Johnson ng 23 points at 13 rebounds sa 119-104 pagdagit ng Atlanta Hawks (12-11) sa Bucks (11-10).
- Latest
