Chavit tutulong sa Philippine sports
MANILA, Philippines — Nangako si businessman at sports patron Luis “Chavit” Singson susupotahan nito ang mga Pinoy athletes na tunay na nag-aangat ng bandila ng Pilipinas sa international scene.
Maliban sa pagiging governor, congressman at mayor sa Ilocos Sur, naging chairman emeritus din si Singson ng Philippine National Shooting Association (PNSA).
Kaya naman pamilyar na ito sa takbo ng sports.
Tutulong si Singson upang mas lalo pang mapaangat ang sports sa Pilipinas.
Partikular na tututukan ni Singson ang mga Pinoy athletes na nangangailangan ng sapat na suporta para mas lalo pang umangat ang kalidad ng kanilang paglalaro sa international competitions.
Isa sa mga halimbawa ni Singson ay sina gymnast Carlos Yulo at weightlifter Hidilyn Diaz-Naranjo na tunay na umangat sa international arena.
“World class,” ani Singson na kasama ang anak nitong si Ako Ilokano Ako Partylist Representative Richelle Singson sa isang simpleng press conference sa Solaire Resort and Casino sa Paranaque.
Pinuri ni Singson si Diaz-Naranjo na siyang nagbigay ng kauna-unahang gintong medalya ng Pilipinas sa Olympic Games noong 2021 sa Tokyo, Japan.
Saludo rin si Singson kay Yulo na nakasungkit ng dalawang gold sa 2024 Paris Olympics.
- Latest
