9 na batang kabayo bakbakan sa PCSO race
MANILA, Philippines — Sasabak ang Midnight Bell sa 2024 PHILRACOM - PCSO “2-Year-Old Maiden Stakes Race” na ilalarga sa Setyembre 29 sa Metro Turf, Malvar - Tanauan City, Batangas.
Nakalista ang Midnight Bell sa walong nagsaad ng pagsali sa distansyang 1,200 meter race kung saan ay nakalaan ang guaranteed prize na P1.5M na ikakalat sa unang anim na kabayong tatawid sa meta.
Gagabayan ni former Philippine Sportswriters Association, (PSA) - Jockey of the Year awardee Jonathan Basco Hernandez ang Midnight Bell na puntiryang ibulsa ang P900,000 premyo.
Ang ibang makikipagtagisan ng bilis sa event na suportado ng Philippine Racing Commission, (PHILRACOM) ay ang Be Kind, Brewing Point, Copperfield, La Luna, Marvin’s Pride, Panata at Sunset Beauty.
Base sa komento ng mga karerista mahirap mamili ng tatayaan dahil mga bagong kabayo ang tatakbo.
Maliban sa PHILRACOM, nag-sponsor ang Philippine Charity Sweepstakes Office (PCSO) ng P1M premyo sa titimbang na mga kabayo pagtawid sa meta.
Samantala, pakakawalan din sa nasabing petsa ang Sampaguita Stakes Race sa parehong lugar, nakalaan naman ang P1M sa anim na mauunang kabayo.
- Latest
